Biografie

Gebore op Voorrechtsvlei, dist. Swellendam; hy erf 1200 morg van die plaas Nooitgedacht by sy pa en boer daarop met vee, lemoene en groente terwyl hy die opstal langs die Boesmansrivier bewoon wat later die onderste opstal op Mardouw word. In 'n artikel in die destydse Suiderstem is hy vereer as die man van die dag want op daardie stadium was hy lid van veertien plaaslike liggame, waaronder die Boerebystandsraad en die Ouderdomspensioen komitee sorteer het. Hy was ook 'n Landbank waardeerder en het grond waardeer vanaf Kaapstad tot so vêr as Upington en die eilande by Upington. Hy was ook voorsitter van die Caledon Suidwestelike Eksekuteurskamer tot 1951. Generaal Botha het hom gestuur om Boegoeberg te ondersoek vir die vestiging van 'n nedersetting aldaar. Verder het hy ook die landbou waardeer op Riversdale. Sy landbou opleiding het hy by die Oakdale Landbouskool grhad. Hy was ook een van die familiegroep wie 'n besigtigingstoer onderneem het na die Victoria Valle. Sy huis op Swellendam het hy 'Oldenburg' genoem om die stamvader se plek van herkoms te gedenk.

Familie van Jacob Douw van Eeden (Japie)

(a1b4c5d3e1f5g9)

Lewenslyn

Wysigingsgeskiedenis